آرمی چیف جنرل راحیل شریف نے 9دہشتگرداں دی موت سزا دی توثیق کر دِتی

راولپنڈی(پاکستان پوائنٹ نیوز07۔نومبر۔2016ء) آرمی چیف جنرل راحیل شریف نے 9دہشت گرداں دی موت سزا دی توثیق کر دِتی۔آئی ایس پی آر ولوں جاری بیان دے مطابق آرمی چیف جنرل راحیل شریف نے 9خطرناک دہشت گرداں دی موت سزا دی توثیق کر دِتی اے۔ دہشت گرد ملک وچ دہشت گردی دیاں وڈیاں کارروائیاں وچ ملوث سن۔ پشاور ائر پورٹ اُتے پی آئی اے دے جہاز نوں نشانا بنان والے دہشت گرد نوں وی موت دی سزا سُنا دِتی گئی اے۔ آئی ایس پی آر دے مطابق فوجی عدالتاں نے دہشت گرداں نوں موت دیاں سزاواں سنائیاںجہدی توثیق آرمی چیف جنرل راحیل شریف نے وی کر دِتی اے۔