لاہور(پاکستان پوائنٹ نیوز07۔نومبر۔2016ء) سابق وزیر خارجا حنا ربانی کھر نے آکھیا اے کہ بھارت کشمیر وچ ظلم کر رہیا اے، عالمی برادری نوٹس نہیں لے رہی، حکومت پاکستان دی کشمیر سنے کوئی خارجا پالیسی سِدھے پاسے نہیں جا رہی۔ میڈیا نال گل بات وچ حنا ربانی کھر دا کہنا سی کہ ہیلری کلنٹن پاکستان تے بھارت سنے خطے دے مسائل توں جانو نیں جے اوہ اقتدار وچ آئیاں تے فیر پاکستان نوں فائدا ہووے گا، ڈونلڈ ٹرمپ تے پہلے ای مسلماناں دے خلاف نیں۔
اوہناں نے آکھیا کہ سی پیک منصوبا پاکستان نوں خشحالی تے ترقی ول ٹورے گا۔ اک سوال دے جواب وچ حنا ربانی کھر نے آکھیا کہ بھارت کشمیر وچ ظلم کر رہیا اے، عالمی برادری نوٹس نہیں لے رہی۔ اوہناں دا کہنا سی کہ حکومت پاکستان دی کشمیر سنے کوئی خارجا پالیسی سِدھے پاسے نہیں جا رہی جدکہ ایس ویلے ملک نوں وزیر خارجا دی لوڑ اے۔
