اسلام آباد(پاکستان پوائنٹ نیوز03۔نومبر۔2016ء) پاناما لیکس دے معاملے دی سنوائی بارے سپریم کورٹ نے تحریری حکم ناما جاری کر دِتا ۔ فیصلے وچ آکھیا گیا اے کہ پاناما لیکس کیس دی سنوائی دے حوالے نال سپریم کورٹ دے فیصلے اُتے کسے نے کوئی اعتراض نہیں کیتا، عدالت نے درخاستاںنوں سنوائی لئی مِتھ دِتا اے جدکہ اج جواب جمع کروان والیاں تے اٹارنی جنرل توں سنوائی دے اختیار جوگ ہون بارے پُچھیا گیا، فیصلے وچ آکھیا گیا کہ سنوائی دے اختیار بارے چُکے گئے سارے سوالاں نوں رَد کردے آں، 11مقدمیاں دا حوالا دے کے آکھیا گیا اے کہ سپریم کورٹ ایہ کیس سُن سکدی اے، عدالت دا کہنا سی کہ حسن، حسےن تے مریم نواز نوں جواب جمع کروان لئی آخری موقع دے رہے آں کہ اوہ اپنا جواب جمع کروان جدکہ ایس معاملے نوں ہور لٹکایا تے کسے وی درخاست دی سنوائی نہیں ہووے گی۔
عدالت دا ہور کہنا سی کہ وکیل تے فریق بھاویں جس زبان وچ جواب یاں دلائل دینا چاہن دے سکدے نیں۔
