اسلام آباد(پاکستان پوائنٹ نیوز31۔اکتوبر۔2016ء) تحریک انصاف دے مرکزی رہنما عارف علوی تے عمران اسماعیل نوں گرفتار کر لیا گیا۔ دوویں رہنماواں نوں بنی گالا جاندے ہوئے گرفتار کیتا گیا۔ تفصیل دے مطابق اسلام آباد پولیس ولوں پی ٹی آئی دھرنے نوں ناکام بنان لئی بھرپور قانونی کارروائیاں کیتیاں جا رہیاںنیں۔ پولیس نے پی ٹی آئی دے مرکزی رہنماواں نوں بنی گالا جاندے ہوئے گرفتار کرلیا اے۔
دوویں رہنماواں نے پولیس دے روکے جان اُتے دھرنا دِتا تے پولیس نے گرفتار کر لیا۔ وسیلیاں دے مطابق پولیس نے عارف علوی تے اسماعیل نوں دھکے مارے تے گڈی وچ نال لے گئے۔ ایس موقعے اُتے عارف علوی نے آکھیا کہ ملک وچ جمہوریت نہیں بادشاہت اے، سڑک توں لنگھنا یاں بِہنا ساڈا حق اے۔ ایس موقعے اُتے عمران اسماعیل نے آکھیا کہ سانوں تشدد دا نشانا بنایا گیا، ایہ جمہوریت نہیں بادشاہت اے۔ اوہناں دا کہنا سی کہ سانوں گرفتاری دی کوئی وجہ نہیں دَسی گئی۔
