اسلام آباد(پاکستان پوائنٹ نیوز27۔نومبر۔2018ء) 100دناں دی کارکردگی،مراد سعید نے سارے وزیراں نوں پچھے چھڈ دتا، کفایت شعاری مہم دے تحت وزارت مواصلات نے اپنیاں وادھو گڈیاں نیلام کر کے 20کروڑ 88لکھ رُپئے قومی خزانے وچ جمع کروائے۔ فیول تے مرمتی کماں وچ کمی دی وجہ توں ہور 52لکھ رُپئے دی بچت ہوئی۔ میڈیا رپورٹس وچ دسیا گیا اے کہ100دناں دی کارکردگی وچ مراد سعید نے سارے وزیراں نوں پچھے چھڈ دتا۔
وزارت مواصلات نے وزیراعظم دی کفایت شعاری مہم دے تحت اپنیاں وادھو گڈیاں نیلام کر کے 20کروڑ 88لکھ رُپئے قومی خزانے وچ جمع کروائے۔وزارت مواصلات نے خرچیاں وچ کمی نال ساڈھے تن ارب رُپئے بچائے نیں۔کفایت شعاری مہم دے تحت وزارت مواصلات نے اپنیاں وادھو گڈیاں نیلام کرن دے نال نال اعزازیہ تے انٹرٹینمنٹ فنڈز وی ختم کر دتا۔ وادھو گڈیاں توں آن والے 20کروڑ 88لکھ رُپئے قومی خزانے وچ جمع کروا دتے گئے۔ فیول تے مرمتی کماں وچ کمی دی وجہ توں ہور 52لکھ رُپئے دی بچت ہوئی۔ جدکہ وزارت ولوں تجاوزات دے آپریشن وچ اک ارب 28کروڑ رُپئے وصول کیتے گئے تے غیر قانونی ٹھیکے تے گھپلیاں وچ 40کروڑ رُپئے دی ریکوری کیتی گئی۔ایس توں وکھ وزارت مواصلات دی آمدن وچ 77کروڑ رُپئے دا وادھا وی ہویا۔
