پاکپتن(پاکستان پوائنٹ نیوز27۔نومبر۔2018ء) پنجاب پولیس دے افسر دی سوانی نال ڈانس کرن دی ویڈیو وائرل ہو گئی۔پنجاب دے ضلع پاکپتن دے اک پولیس انسپکٹر دی سوانی نال ڈانس کرن دی ویڈیو سوشل میڈیا اُتے وائرل ہون مگروں اعلا حکام نے نوٹس لے لیا تے انسپکٹر نوں معطل کردے ہوئے اوہدے خلاف محکمانہ انکوائری شروع کر دتی اے۔ تفصیل دے مطابق ضلع پاکپتن دے تھانا کلیانہ دے ایس ایچ او ارشد دیاں دو ویڈیوز سوشل میڈیا اُتے وائرل ہوئیاں نیں۔
پہلی ویڈیو وچ تے اوہ ہندی فلماں دے ولن بنے نظر آئے جدکہ دوجی ویڈیو وچ اوہ اک سوانی نال ڈانس کردے وکھالی دتے۔ جدوں ایہ معاملا ڈسٹرکٹ پولیس افسر پاکپتن ماریہ محمود دے نوٹس وچ آیا تے اوہناں نے انسپکٹر ارشد نوں نہ صرف معطل کیتا بلکہ اوہناں خلاف محکمانہ کارروائی وی شروع کر دتی اے۔دوجے پاسے پولیس افسر دا آکھنا اے کہ ویڈیو اوہدے موبائل وچ سی جیہنوں بھتیجے نے سوشل میڈیا اُتے اپلوڈ کردتا۔
