اسلام آباد(پاکستان پوائنٹ نیوز13۔نومبر۔2018ء) حکومت نے خوراک دی کمی دا شکار بالاں لئی پروگرام شروع کرن دا فیصلا کیتا اے۔ میڈیا رپورٹس مطابق وزیر اعظم عمران خان پروگرام دا افتتاح کرن گے جدکہ پروگرام دا ناں ’وزیر اعظم سماجی تحفظ پروگرام‘ ہوئے گا۔ ایس پروگرام دے تحت خوراک دی کمی دا شکار بالاں لئی اُچیچے (خصوصی) اقدامات کیتے جان گے۔ یاد رہوے کہ وفاقی وزیر صحت عامر کیانی نے آکھیا سی کہ حکومت وزیر اعظم عمران خان دی قیادت وچ صحت دے شعبے، خاص کر خوراک دی کمی دے مسئلے اُتے خاص دھیان دے رہی اے۔
وزیر صحت نے آکھیا کہ پاکستان دی آبادی دا وڈا حصہ نوجواناں دا اے جیہناں دی عمر 30سال تیکر اے۔ اوہناں نے آکھیا کہ انسانی وسائل ورتن نال معاشی ترقی حاصل کیتی جا سکدی اے۔ اوہناں نے آکھیا کہ غذائی کمی پاکستان دا اک وڈا مسئلا اے تے غذائی کمی دی وجہ توں پاکستان دا ہر سال 3فیصد جی ڈی پی ضائع ہو رہیا اے۔
