وزیر اعظم عمران خان قوم نال خطاب کرن گے

اسلام آباد(پاکستان پوائنٹ نیوز31۔اکتوبر۔2018ء) وزیراعظم عمران خان کُجھ دیر بعد قوم نال خطاب کرن گے۔ تفصیل مطابق وزیر اعظم عمران خان کُجھ دیر بعد قوم نال خطاب کرن گے، ایس حوالے نال وفاقی وزیر اطلاعات فواد چودھری نے اعلان کیتا اے۔ وزیر اعظم عمران خان اپنے خطاب دوران قوم نوں اک اہم معاملے اُتے اعتماد وچ لین گے۔ وزیر اعظم عمران خان دا خطاب سارے قومی ٹی وی چینلز اُتے چلایا جائے گا۔ وزیر اعظم لوکائی نال چینی دورے دے حوالے نال گل بات کرن گے۔ وسیلیاں مطابق وزیر اعظم عمران خان دے چینی دورے دے شیڈول وچ تبدیلی آئی اے جیہدے مگروں وزیراعظم عمران خان نے دورے دے شیڈول وچ تبدیلی دے حوالے نال قوم نال خطاب کرن دا فیصلا کیتا اے۔