اسلام آباد(پاکستان پوائنٹ نیوز30۔اکتوبر۔2018ء) عثمان بزدار نے اپنے ماموں نوں ڈی پی او لا دتا۔ تفصیل مطابق مشہور پرچا کار عامر متین دا آکھنا اے کہ تحریک انصاف ہمیشہ مدینہ طرز دے ماڈل دیاں گلاں کردی سی تے کے پی کے ماڈل دیاں مثالاں دیندی سی۔ کے پی کے وچ ناصر درانی کسے توں ایہ نہیں پُچھدے سن کہ کس افسر نوں کتھے لانا اے۔ اوتھے سیاسی مداخلت نہیں ہوندی سی، پر پنجاب وچ حالات کُجھ ہور ای نیں۔
پنجاب وچ تقرریاں تے تبادلیاں لئی اک کمیٹی بنائی گئی۔ وزیر اعلا عثمان بزدار ، چیف سیکرٹری، سیکرٹری سی ایم، ہوم سیکرٹری تے آئی جی اُتے مشتمل پینل سی جو انٹرویو کردا سی۔ پر اطلاع مطابق آئی جی صاحب تے وزیر اعلا نے اپنے بندے لگوائے نیں۔ ایس توں وکھ سپیکر پنجاب اسمبلی چودھری پرویز الہی دے بندیاں نوں وی ایڈجسٹ کیتا گیا اے جدکہ عثمان بزدار نے ماموں امیر تیمور بزدار نوں ڈی پی او بنا دتا اے۔
امیر تیمور بزدار نوں پنجاب دے سبھ توں وڈے شہر بہاولپور دا ڈی پی او لا دتا گیا اے جدکہ اوہ رینکر نیں تے 18ویں گریڈ دے نیں اتے کُجھ دن پہلاں ای سپریم کورٹ نے سارے ریٹرز دی تنزلی کیتی اے۔ ایس لئی میرٹ اُتے اوہناں دی تقرری نہیں بندی سی کہ اوہناں نوں پنجاب دا سبھ توں وڈا ضلع دے دتا جائے۔
