جسٹس (ر) محمود اختر فائرنگ حملے وچ ہلاک

اسلام آباد(پاکستان پوائنٹ نیوز30۔اکتوبر۔2018ء) سپریم کورٹ دے جسٹس (ر) محمود اختر دی گڈی اُتے نامعلوم بندیاں نے فائرنگ کر دتی، فائرنگ دے نتیجے وچ جسٹس (ر) محمود اختر ہلاک ہو گئے۔ میڈیا رپورٹس مطابق سپریم کورٹ دے سابق جج محمود فیملی نال ترکوال توں پنڈی جا رہے سن کہ راہ وچ اوہناں دی گڈی اُتے نامعلوم ملزماں نے فائرنگ کر دتی۔ فائرنگ دے نتیجے وچ جسٹس (ر) محمود اختر ہلاک جدکہ اوہناں دی فیملی دے کُجھ لوک زخمی ہوئے۔ فائرنگ مگروں پولیس حادثے والی تھاں اپڑی۔ پولیس نے فائرنگ بارے ثبوت اکٹھے کیتے تے زخمی بندیاں نوں ہسپتال منتقل کر دتا۔