لاہور وچ اک وار فیر پتنگاں اُڈن گیاں

لاہور(پاکستان پوائنٹ نیوز25۔اکتوبر۔2018ء) وزیر اعلا پنجاب سردار عثمان بزدار نے لاہور وچ بسنت دا تہوار فیر شروع کرن لئی کوششاں تیز کر دتیاں نیں۔ تفصیل مطابق سابق حکومت ولوں بسنت اُتے پابندی لائی گئی سی۔ بسنت دے تہوار اُتے پابندی مگروں لاہوریاں نوں ڈاڈھی مایوسی ہوئی سی کیونکہ ایہ لاہور دے واسیاں دا پسندیدہ تہوار سی۔ پر ایس تہوار اُتے اودوں پابندی لائی گئی، جدوں خونی ڈور دی وجہ توں لوکاں دیاں موتاں ہونیاں شروع ہوئیاں۔ پر ہن دسیا گیااے کہ ترجمان پنجاب حکومت ڈاکٹر شہباز گل نے وزیر اعلا پنجاب دی خاہش نوں ساہمنے رکھدے ہوئے کلچر کمیٹی اُتے کم شروع کرد تا اے۔ لوکائی دی رائے مگروں ایس حوالے نال حتمی فیصلا کیتا جائے گا۔