سعودی عرب مگروں پاکستان نوں قرضہ دین والیاں دی لائن لگ گئی

اسلام آباد(پاکستان پوائنٹ نیوز25۔اکتوبر۔2018ء) سعودی عرب مگروں پاکستان دی مدد کرن لئی ملکاں دی لائن لگ گئی۔ مشہور پرچاکار نے پاکستانی لوکائی نوں خشخبری سُنا دتی۔ تفصیل مطابق مشہور پرچا کار خوشنود علی خان داوزیر اعظم عمران خان دے سعودی عرب دے دورے اُتے تجزیہ پیش کردے ہوئے کہنا سی کہ سعودی عرب ولوں مالی امداد ملن مگروں پاکستان اُتوں خطرہ ٹل گیا اے۔ ایہ پاکستان لئی اک بہت وڈی خشخبری ثابت ہوئی۔ اوہناں دا آکھنا سی کہ ہن سعودی عرب مگروں چین، ملائیشیا، کویت تے ابوظہبی وی پاکستان دی مدد کرن گے۔ خوشنود علی خان دا آکھنا سی کہ ہن پاکستان نوں ہور آئی ایم ایف دا مرہون منت نہیں ہونا پئے گا۔