لاہور(پاکستان پوائنٹ نیوز25۔اکتوبر۔2018ء) سول عدالت نے سابق ایم ڈی پی ٹی وی ڈاکٹر شاہد مسعود دی ضمانت قبل از گرفتاری خارج کر دتی، اینکر ڈاکٹر شاہد مسعود ضمانت خارج ہون اُتے عدالتوں فرار ہو گئے۔ میڈیا رپورٹس مطابق سابق ایم ڈی پی ٹی وی ڈاکٹر شاہد مسعود خلاف کرپشن کیس وچ درخاست دائر سی۔ جیہدے بعد اج ڈاکٹر شاہد مسعود دی ضمانت قبل ازگرفتاری بارے درخاست اُتے سنوائی ہوئی۔
سول جج نے اینکر شاہد مسعود دی ضمانت قبل ازگرفتاری دی درخاست رد کیتی ۔ دسیا گیا اے کہ ضمانت خارج ہون اُتے اینکر ڈاکٹر شاہد مسعود عدالتوں فرار ہو گئے نیں۔ اینکر شاہد مسعود دی ضمانت قبل از گرفتاری سپیشل جج سینٹرل نے رد کیتی اے۔ شاہد مسعود اُتے بطور ایم ڈی و چیئرمین پی ٹی وی 3کروڑ 30لکھ رُپئے دی کرپشن دا الزام اے۔
