جے پاکستان وچ عمران خان ورگے لوک نیں تے میں اوہناں نال کم کرن لئی تیار آں:مہاتیر محمد

جے پاکستان وچ عمران خان ورگے لوک نیں تے میں اوہناں نال کم کرن لئی تیار آں:مہاتیر محمد

اسلام آباد(پاکستان پوائنٹ نیوز25۔اکتوبر۔2018ء) مشہور پرچا کار ہارون الرشید دا آکھنا اے کہ عمران خان ہن ملائیشیا جان گے۔ میں عمران خان تے مہاتیر بن محمد دے تعلقات توں جانو آں ایہدے وچ تھوڑا جہیا میرا وی کردار اے۔ کیونکہ میں عمران خان نوں تجویز کیتا سی کہ اوہ ملائیشیا جان۔ مہاتیر دے اک نائب پنجاب یونیورسٹی وچ پڑھ رہے ۔ میرے اوہناں نال کُجھ تعلقات سن تے اوہناں نے مینوں دسیا کہ مہاتیر بن محمد آکھدے نیں کہ جے عمران خان ورگے ای لوک ہون تے میں فیر پاکستان نال کم کرن توں تیار آں۔

ہارون الرشید نے ہور آکھیا کہ اوہناں نے ایہ نہیں آکھیا سی کہ عمران خان ای ہون بلکہ ایہ آکھیا کہ سی کہ عمران خان ورگے لوک ہون جیہناں نال رلکے چل سکیے۔ ہارون الرشید دا آکھنا سی کہ جے اسیں ملائیشیا توں چاربلین ڈالر دا تیل لئے تے ایہدے وچ کُجھ رعایت مل سکدی اے۔ بھاویں ایہ آئل نجی کمپنیاں ولوں ملنا اے۔ پر مہاتیر بن محمد ایہدے وچ رعایت دوان لئی اہم کردار ادا کر سکدے نیں۔کیونکہ اوہناں دی حیثیت اک قائد ورگی اے ۔ اوہناں نے 25سال قیادت کیتی اے۔