لاہور(پاکستان پوائنٹ نیوز24۔اکتوبر۔2018ء) سینئر سیاست دان میاں افتخار حسین دے پُتر راشد حسین 2010وچ شہید ہو گئے سن۔ ایس حوالے نال اک سوشل میڈیا صارف نے میاں افتخار حسین دی تصویر شیئر کیتی، جیہدے وچ اوہ اپنے پُتر دے تابوت نال بیٹھے نیں تے اوہناں دے ہتھ وچ پستول وی اے۔ جیہدے اُتے ری ٹویٹ کردے ہوئے میاں افتخار حسین نے آکھیا کہ ایہ میرے شہید پُتر راشد حسین دی لاش تابوت وچ دفنان لئی لیجا رہے ساں۔اطلاع دتی گئی سی کہ ہور دو آپ مارو (خودکش حملہ ) حملا آور آئے نیں تے حملا کرن گے۔ ایس لئی حفاظت لئی ایہ پوزیشن سنبھالی اے۔
دوجے پاسے سوشل میڈیا ورتیندڑاں نے ایہدے اُتے جذباتی تبصرے کیتے تے آکھیا کہ میاں افتخار صاحب تہاڈے ورگا حوصلا تے صبر بہت گھٹ لوکاں وچ ہوندا اے جوان پُتر دے آخری سفر وچ تُسیں عظم و ہمت دی مثال ثابت ہوئے ۔ اللہ پاک تہاڈے شہید پُتر نوں جنت وچ گھر دیوے۔
