اسلام آباد(پاکستان پوائنٹ نیوز24۔اکتوبر۔2018ء) نجی ٹی وی چینل دے پروگرام وچ گل بات کردے ہوئے سینئر پرچا کار ہارون الرشید نے آکھیا کہ ایہ گل سمجھنا واں کہ عمران خان آصف علی زرداری تے نواز شریف توں چنگے حکمران ثابت ہون گے، تے اوہدی وجہ ایہ اے کہ عمران خان اداریاں اُتے یقین رکھدے نیں، حالانکہ اوہناں نے بہت غلطیاں کیتیاں نیں جیہدی وجہ توں اداریاں دے قیام وچ اوہناں نوں اوکڑاں دا ساہمنا کرنا پئے گا۔
عمران خان کرپٹ نہیں نہ ای اوہناں اُتے آصف علی زرداری تے نواز شریف وانگ کرپشن دے کوئی کیس نیں پر ایہناں گلاں مگروں عمران خان کسے پاسے دا تعین کرن توں قاصر نیں، اوہناں وچ فہم نہیں اے۔ میں ہمیشہ عمران خان نوں آکھیا کہ حکمران بنن دی تیار کرو، پر ہن وی عمران خان پوری طرحاں ایس سٹیٹ آف مائنڈ وچ داخل نہیں ہوئے، جو اک حکمران نوں ہونا چاہیدا۔ اوہناں دا آکھنا سی کہ عمران خان دا لب و لہجہ کسے حکمران دا نہیں ا ے۔
