لاہور(پاکستان پوائنٹ نیوز09۔اکتوبر۔2018ء) پاکستان تے چین وچکار 20کروڑ ڈالر دے سمجھوتے ہو گئے، ایہناں 11 سمجھوتیاں اُتے دستخط چینی خریدار کمپنیاں دے وفد نے پاکستانی دورے دوران کیتے، ایہناں وچ سی فوڈ، سٹیل تے زراعت دے سمجھوتیاں اُتے دستخط کیتے گئے۔ میڈیا رپورٹس مطابق پاکستان تے چینی کمپنیاں نے سرمایہ کاری دے 11سمجھوتیاں اُتے دستخط کردتے نیں۔
دسیا گیا اے کہ سرمایہ کاری دے سمجھوتیاں تے مفاہمتی یاداشتاں اُتے دستخط کیتے گئے نیں۔ ایہناں سمجھوتیاں وچ پاک چین کمپنیاں وچکار 20کروڑ ڈالر دے سمجھوتے شامل نیں۔ دستخط چینی خریدار کمپنیاں دے وفد دے پاکستانی دورے دوران کیتے گئے۔ چینی سفارتخانے دے کمرشل اتاشی دا آکھنا اے کہ پاکستان تے چینی کمپنیاں وچکار سی فوڈ، سٹیل تے زراعت دے سمجھوتیاں اُتے دستخط کیتے گئے نیں۔ اوہناں نے آکھیا کہ پاکستان نال غیر متوازی تجارتی کھلار نوں ختم کرنا چاہندے آں۔
