الیکشن کمیشن ولوں شیخ رشید نوں شوکاز نوٹس جاری

شیخ رشید کولوں 48گھنٹیاں وچ جواب منگ لیا، این اے 60وچ ضابطہ اخلاق دی خلاف ورزی اُتے نوٹس جاری کیتا گیا: الیکشن کمیشن

الیکشن کمیشن ولوں شیخ رشید نوں شوکاز نوٹس جاری
شیخ رشید کولوں 48گھنٹیاں وچ جواب منگ لیا، این اے 60وچ ضابطہ اخلاق دی خلاف ورزی اُتے نوٹس جاری کیتا گیا: الیکشن کمیشن

راولپنڈی(پاکستان پوائنٹ نیوز09۔اکتوبر۔2018ء) الیکشن کمیشن ولوں شیخ رشید نوں شوکاز نوٹس جاری،الیکشن کمیشن مطابق شیخ رشید کولوں 48گھنٹیاں وچ جواب منگیا گیا اے، این اے 60وچ ضابطہ اخلاق دی خلاف ورزی اُتے نوٹس جاری کیتا گیا۔میڈیا رپورٹس مطابق راولپنڈی وچ قومی اسمبلی دے انتخابی حلقے این اے 60وچ ضمنی الیکشن نوں مُکھ رکھدے ہوئے انتخابی مہم دا عمل جاری اے۔

حلقے وچ شیخ رشید وی ودھ چڑھ کے انتخابی مہم چلا رہے نیں۔ تحریک انصاف نے این اے 60وچ شیخ راشد شفیق نوں ٹکٹ دتا اے جدکہ مسلم لیگ (ن) دے سجاد رانا اوہناں دے مقابلے وچ نیں۔ الیکشن کمیشن دا آکھنا اے کہ ضمنی الیکشن دوران شیخ رشید کئی وار ضابطہ اخلاق دی خلاف ورزی کر چکے نیں۔ جیہدے اُتے اوہناں نوں شوکاز نوٹس جاری کیتا گیا اے۔ الیکشن کمیشن نے این اے 60وچ انتخابی ضابطہ اخلاق دی خلاف ورزی اُتے شیخ رشید کولوں 48گھنٹیاں وچ جواب منگیا اے۔