اسلام آباد(پاکستان پوائنٹ نیوز08۔اکتوبر۔2018ء) مشہور پرچاکار رانا مبشر نے مشاہد اللہ ساہمنے نواز شریف اُتے الزام لا دتا۔ تفصیل مطابق پاکستان مسلم لیگ (ن) دے رہنما مشاہد اللہ دا آکھنا اے کہ نواز شریف نوں صرف ایس لئی وزارت عظمی توں ہٹایا گیا سی کیونکہ اوہ سی پیک دی حمایت کر رہے سن تے سی پیک دیاں مخالف طاقتاں نے اوہناں نوں سی پیک شروع کرن دی سزا دتی۔
حالانکہ نواز شریف دا اناں پانامہ لیکس وچ نہیں سی۔ امریکا تے لندن پلان والے سی پیک دے مخالف سن۔ مشاہد اللہ نے ہور آکھیا کہ چائنا توں وکھ دنیا وچ ساڈا کوئی بیلی نہیں اے۔ایس موقعے تے پروگرام وچ موجود پرچا کار نے آکھیاکہ نواز شریف دیاں تے لندن وچ اسرائیلی سفیراں نال ملاقاتاں ہو رہیاں نیں۔ مشاہد اللہ نے جدوں ایس خبر نوں رد کیتا تے رانا مبشر نے آکھیا کہ ایس بارے تے خبراں وی چھپ رہیاں نیں کہ پاکستان آن توں پہلاں تے گرفتاری ہون توں پہلاں نواز شریف لندن وچ اسرائیلی سفیراں نال ملاقات کر رہے سن۔
ایس بارے مشاہد اللہ نے آکھیا کہ نواز شریف تے بہت وڈا لیڈر اے۔ کئی سفیر اوہناں نال ملاقات کرن لئی آؤندے نیں۔ پاکستان مسلم لیگ (ن) دے رہنما مشاہد اللہ دا آکھنا سی کہ نواز شریف نوں صرف ایس لئی وزارت عظمی توں ہٹایا گیا سی کیونکہ اوہ سی پیک دی حمایت کر رہے سن تے سی پیک دیاں مخالف طاقتاں نے اوہناں نوں سی پیک شروع کرن دی سزا دتی۔اوہناں دا آکھنا سی کہ امریکا تے لندن پلان والے سی پیک دے مخالف سن۔
