پنجاب بھر وچ دفعہ 144نافذ

سموگ توں بچاء لئی پنجاب بھر وچ فصلاں دی باقیات تے کوڑے نوں اگ لان اُتے پابندی

پنجاب بھر وچ دفعہ 144نافذ
سموگ توں بچاء لئی پنجاب بھر وچ فصلاں دی باقیات تے کوڑے نوں اگ لان اُتے پابندی

راولپنڈی(پاکستان پوائنٹ نیوز08۔اکتوبر۔2018ء) محکمہ داخلا پنجاب نے دفعہ 144نافذ کردے ہوئے دھوئیں توں بچاء لئی پنجاب بھر وچ فصلاں دی باقیات تے کوڑے نوں اگ لان اُتے پابندی لا دتی۔ زرعی ترجمان نوید عصمت نے دسیا کہ فصلاں دی باقیات نوں اگ لان دی وجہ توں کئی قسم دے منفی اثر پیندے نیں ،جیہناں وچ زرعی مشینری دی کمی، مزدوراں دے نہ ہون تے مزدوری وچ وادھے سنے اگلی فصل چھیتی بیجن ورگے عوامل شامل نیں۔

اوہناں نے دسیا کہ فصلاں دی باقیات نوں اگ لان دا عمل دھان دی کاشت دے علاقیاں وچ بُہتی عام اے کیونکہ اگلی فصل نوں بیجن لئی زمین دی تیاری کرن وچ چھیتی ہوندی اے۔ مڈھاں تے پرالی وغیرہ نوں اگ لان نال بدلاں وچ آلودگی دی وجہ توں سموگ پیدا ہو ندی اے۔ یاد رہوے کہ پچھلے کجھ ورھیاں توں پنجاب بھر وچ سردیاں شروع ہون توں پہلاں ای بدترین سموگ چھائی رہی ، جیہدے نتیجے وچ کئی ٹریفک حادثے ہوئے۔ پر ہن محکمہ داخلا پنجاب نے ایس حوالے پابندی لا دتی اے۔