پشاور(پاکستان پوائنٹ نیوز04۔اکتوبر۔2018ء) پشاور یونیورسٹی وچ فیساں دے وادھے خلاف پڑھیاراں نے احتجاج کیتا۔ تفصیل مطابق پڑھیاراں نے فیساں وچ وادھے خلاف اپنا احتجاج ریکارڈ کروایا۔ وکھالویاں (مظاہرین)دا آکھنا سی کہ ایم ۔فل تے پی ایچ ڈی دیاں فیساں وچ وادھا نامنظور اے۔ وکھالویاں نے حکومت تے یونیورسٹی انتظامیہ خلاف نعرے بازی وی کیتی۔ احتجاج ودھن اُتے یونیورسٹی وچ پڑھیاراں نوں نسان لئی پولیس نوں سد یا گیا۔
پولیس نے وکھالویاں نوں نسان لئی سوٹیاں ماریاں، جیہدے نتیجے وچ کئی پڑھیار زخمی ہوئے جیہناں نوں ڈاکٹری امداد لئی ہسپتال منتقل کردتا گیا اے۔ پولیس نے وکھالویاں وچوں کئی پڑھیاراں نوں گرفتار وی کیتا اے۔دوجے پاسے پڑھیاراں دا آکھنا سی کہ اسیں اپنا احتجاج ریکارڈ کروایا ، اسیں کسے سرکاری سامان نوں نقصان نہیں اپڑایا، پولیس نے ساڈے ساتھیاں نوں سوٹیاں مار کے زخمی وی کیتا اے۔
