تحریک انصاف دے شہزاد وسیم سینیٹر چُنے گئے،(ن) لیگ دے خواجا احمد احسان ہار گئے

لاہور(پاکستان پوائنٹ نیوز03۔اکتوبر۔2018ء) پنجاب اسمبلی وچ سینیٹ دی اک سیٹ اُتے الیکشن ہویا جیہدے وچ تحریک انصاف دے رہنما شہزاد وسیم سینیٹر چُنے گئے جدکہ (ن) لیگ دے خواجا احمد حسان ہار گئے، شہزاد وسیم 181ووٹ لے کامیاب ہوئے۔ میڈیا رپورٹس مطابق پنجاب اسمبلی وچ سینیٹ الیکشن لئی 351ووٹ پئے تے اک ووٹ رد ہویا۔ سینیٹ دی اک سیٹ اُتے ہون والے الیکشن وچ مسلم لیگ (ن) دے امیدوار خواجا احمد حسان ہار، تے تحریک انصاف دے سینیٹر شہزاد وسیم جت گئے۔ شہزاد وسیم نوں 181جدکہ مسلم لیگ (ن) دے رہنما خواجا احمد حسان نوں 169ووٹ پئے۔ یاد رہوے کہ سینیٹ دی سیٹ گورنر پنجاب چودھری سرور دے سینیٹ سیٹ توں استعفے مگروں خالی ہوئی سی۔