محکمہ ریلوے دا ریل کرایاں وچ کمی دا اعلان

لاہور(پاکستان پوائنٹ نیوز03۔اکتوبر۔2018ء) وزیر ریلوے شیخ رشید دی ہدایت اُتے محکمہ ریلوے نے ریل کرایاں و چ کمی کر دتی اے۔ ریل کرایاں وچ کمی لاہور فیصل آباد نان سٹاپ گڈی دے کرایاں وچ کیتی گئی۔ ترجمان محکمہ ریلوے مطابق نویں کرائے نامے مطابق لاہور توں فیصل آباد نان سٹاپ دے اے سی سٹینڈر دا کرایہ 350رُپئے ہوئے گا۔ ایسے طرحاں لاہور توں فیصل اے سی پارلر دا کرایہ 400تے بزنس کلاس دا کرایہ 450رُپئے کردتا گیا اے۔ فیصلے اُتے چھیتی عملدرآمد ہوئے گا۔ترجمان مطابق کرایاں وچ کمی دا فیصلا مسافراں دی سہولت نوں مُکھ رکھدے ہوئے کیتا گیا۔