نیب سندھ دے 3 سپیشل پبلک پراسیکیوٹرز مستعفی

کراچی (پاکستان پوائنٹ نیوز01۔اکتوبر۔2018ء) انتہائی ہائی پروفائل کیسز وچ پیروی کرن والے نیب سندھ دے 3سپیشل پبلک پراسیکیوٹرز نے استعفا دے دِتا۔ تفصیل مطابق نیب سندھ دے 3 پراسیکیوٹرز نے استعفا دے دِتا اے۔ استعفا دین والیاں وچ نیب پراسیکیوٹر منصف جان، یاسر مغل تے نسیم ملک شامل نیں۔ تِنے پراسیکیوٹرز سندھ وچ کرپشن دے ہائی پروفائل کیسز وچ نیب ولوں پیروی کر رہے سن۔ نیب پراسیکیوٹرز شرجیل میمن‘ فشریز، پورٹ قاسم، ایس ایس جی سی سنے ہور اداریاں وچ کرپشن خلاف نیب ولوں پیروی کر رہے سن۔ پراسیکیوٹرز دے استعفے مگروں نیب ولوں متبادل پراسیکیوٹرز حالے تیکر نہیں رکھے گئے۔