پاک فوج معاشی ترقی لئی محفوظ ماحول فراہم کرے گی: آرمی چیف

راولپنڈی(پاکستان پوائنٹ نیوز27۔ستمبر۔2018ء) چیف آف آرمی سٹاف جنرل قمر جاوید باجوہ نے آکھیا اے کہ پاک فوج اقتصادی ترقی لئی بہتر ماحول دیوے گی، خطریاں نال نبڑن لئی قومی پدھر(سطح) اُتے اداریاں دا سانجھا ردعمل ضروری اے، قوم دے تعاون نال دہشت گردی نوں ختم کراں گے، پاکستان نے دہشت گردی تے انتہا پسندی دے خاتمے وچ کامیابی حاصل کیتی۔ میڈیا رپورٹ مطابق جنرل قمر جاوید باجوہ نے ائر یونیورسٹی وچ سکیورٹی آف پاکستان سیمینار نال خطاب کردے ہوئے آکھیاکہ خطریاں نال قومی پدھر اُتے اداریاں دا سانجھا ردعمل ضروری اے۔

آرمی چیف جنرل قمر جاوید باجوہ نے آکھیا کہ دہشت گردی تے انتہا پسندی دے خاتمے لئی فوج کردار نبھا رہی اے۔ پاکستان نے دہشت گردی تے انتہا پسندی دے خاتمے وچ کامیابی حاصل کیتی۔ قوم دے تعاون نال دہشت گردی نوں ہرایا اے۔ ملک وچ استحکام لئی پاکستانی فوج تے قوم نے وڈیاں قربانیاں دتیاں نیں۔جنرل قمر جاوید باجوہ نے آکھیا کہ دہشت گردی نوں قوم دے تعاون نال ختم کراں گے۔ ملک وچ ہور استحکام لئی چوکنا رہ کے سدھے پاسے دا تعین کرنا پئے گا۔ اوہناں نے آکھیا کہ پاک فوج اقتصادی ترقی لئی بہتر ماحول دین لئی اقدامات کرے گی۔ آرمی چیف نے سیمینار وچ یونیورسٹی دے سٹوڈنٹس ولوں کیتے گئے سوالاں دے جواب وی دتے۔