اسلام آباد(پاکستان پوائنٹ نیوز27۔ستمبر۔2018ء) قومی اسمبلی وچ وفاقی وزیر اطلاعات فواد چودھری نے دھواں دھار تقریر کرن مگروں اپوزیشن کولوں معافی منگ لی، فواد چودھری نے دعوا کردے ہوئے آکھیا سی کہ خورشید شاہ نے 3دناں وچ 800بندیاں نوں بھرتی کیتا تے ٹیکسی ڈرائیور نوں ریڈیو پاکستان دا ڈی جی لا دتا گیا، ایہناں خلاف کارروائی ہونی چاہیدی، قانون اُتے عملدرآمد ہوندا تے ایہ سارے لوک جیلاں وچ ہوندے۔
میڈیا رپورٹس مطابق سپیکر قومی اسمبلی اسد قیصر دی صدارت ہیٹھ اج قومی اسمبلی دا اجلاس ہویا۔ اجلاس وچ سابق اپوزیشن لیڈر خورشید شاہ نے فواد چودھری دے الزاماں خلاف ایون وچ تحریک استحقاق جمع کروائی۔ فواد چودھری نے اپنے ٹویٹ وچ دعوا کیتا سی کہ خورشید شاہ نے 3دناں وچ 800بندیاں نوں بھرتی کیتا تے ٹیکسی ڈرائیور نوں ریڈیو پاکستان دا ڈی جی لا دتا ۔
فواد چودھری دا کہنا سی کہ اوہناں خلاف کارروائی ہونی چاہیدی، قانون اُتے عملدرآمد ہوندا تے ایہ سارے لوک جیلاں وچ ہوندے۔فواد چودھری دے ایس الزام اُتے خورشید شاہ نے تحریک استحقاق جمع کروائی، جیہدے مگروں فواد چودھری غصے وچ آَ گئے۔ اوہناں نے آکھیا کہ ایہ لوک سانوں ناتجربہ کار آکھدے نیں۔ ایہناں خلاف کارروائی ہونی چاہیدی۔ ایہ کرپٹ ترین لوک نیں۔
ایہدے اُتے سابق اپوزیشن لیڈر و پی پی رہنما خورشید شاہ نے آکھیا کہ منتخب ارکان دی وی کوئی عزت ہوندی اے۔ ذمے وار وزیر اطلاعات نے گھٹیا زبان ورتی۔ فواد چودھری نے جواب وچ آکھیا کہ میں ایہ نہیں آکھیاکہ ایس طرحاں دے لفظ استعمال کرن والا بندہ گھٹیا اے بلکہ گھٹیا لفظ ورت رہیا اے۔ ایہدے اُتے اپوزیشن واک آؤٹ کر گئی ، جیہدے مگروں فواد چودھری نے ایوان وچ معافی منگی۔
