لاہور(پاکستان پوائنٹ نیوز24۔ستمبر۔2018ء) شیخ رشید نے وزارت دے پہلے ای مہینے ریلوے دی آمدن وچ 55کروڑ رُپئے دا وادھا کر دتا۔ تفصیل مطابق وزیر اعظم عمران خان تے وزیر ریلوے شیخ رشید دی پالیسی دا کمال ساہمنے آیا اے۔ عوامی مسلم لیگ دے سربراہ شیخ رشید احمد نے 12ورھیاں پچھوں فیر ریلوے دا قلمدان سنبھالیا۔ وزیر ریلوے بنن دے پہلے مہینے ای ریلوے دی آمدن وچ حیران کن طور اُتے وادھا ہویا اے۔
نویں حکومت آن مگروں محکمہ ریلوے دی آمدنی وچ 55کروڑ رُپئے دا وادھا ہویا۔ پاکستان ریلوے اُتے سالہوار(سالانہ) 96ارب رُپئے خرچ ہوندے نیں۔ جیہدے وچوں 50ارب رُپئے ریلوے دی اپنی آمدن اے جدکہ 36ارب رُپئے دا کسارا(خسارہ) ہوندا سی پر ریلوے دے ایس کسارے وچ کمی دی آس پیدا ہوئی اے۔ ریلوے دی آمدن وچ چھ ارب رُپئے سالہوار وادھا ہون مگروں ریلوے دا کسارہ گھٹ ہو کے 29ارب تیکر محدود ہون دا امکان اے۔
