مسلم لیگ (ن) نوں اک ہور جھٹکا

شہزاد منشی دی گورنر پنجاب نال ملاقات، چودھری محمد سرور نے مٹھیائی کھوا کے پارٹی وچ جی آیاں آکھیا

مسلم لیگ (ن) نوں اک ہور جھٹکا
شہزاد منشی دی گورنر پنجاب نال ملاقات، چودھری محمد سرور نے مٹھیائی کھوا کے پارٹی وچ جی آیاں آکھیا

لاہور(پاکستان پوائنٹ نیوز22۔ستمبر۔2018ء) مسلم لیگ (ن) نوں اک ہور جھٹکا لگا اے۔ سابق رکن پنجاب اسمبلی شہزاد منشی تحریک انصاف وچ رلتی ہوگئے۔ تفصیل مطابق سابق (ن) لیگی رکن اسمبلی شہزادہ منشی وی حالات دی دھار نوں ویکھدے ہوئے (ن) لیگ توں باغی ہوگئے۔ اوہناں نے گورنر پنجاب چودھری محمد سرور نال ہون والی ملاقات وچ تحریک انصاف وچ رلتی ہون دا اعلان کیتا۔

ایس موقعے تے گورنر پنجاب نے مٹھیائی کھوا کے شہزاد منشی نوں پارٹی وچ رلتی ہون اُتے جی آیاں آکھیا۔ اوہناں نے آکھیا کہ تحریک انصاف اقلیتاں دے حقاں دا پورا خیال رکھے گی تے اوہناں دی آواز بنے گی۔ ایس موقعے تے راجا عارف آصف بھٹی، سیمن بھٹی، امین گل، سلیم گل، آفتاب، مبارک، شریف مسیح، روبن سہوترا، روبنس، فلک شیر گل، عاطف بخش، رمیض مسیح سنے ہور وی موجود سن۔