راولپنڈی(پاکستان پوائنٹ نیوز13۔ستمبر۔2018ء) شہر دے کئی علاقیاں وچ سرکاری گڈیاں سکولی بالاں نوں لیان تے لیجان لئی ورتیاں جان لگیاں۔ وسیلیاں مطابق مبینہ طور اُتے راولپنڈی وچ سرکاری گڈیاں دا غیر قانونی استعمال جاری اے جدکہ دوجے پاسے سرکاری افسراں دیاں گڈیاں غیر متعلقہ بندیاں دے استعمال ہیٹھ ہون دا انکشاف وی ہویا اے۔ وسیلیاں نے دسیا کہ سرکاری گڈیاں دے غیر سرکاری استعمال دے سلسلے وچ پچھلے دیہاڑے ہری نمبر پلیٹ والی گڈی نمبر GAD-700دے ڈرائیور نے ہارلے سٹریٹ وچ اک نجی گڈی نوں ٹکر مار دتی جدکہ ایسے طرحاں دے ہور واقعات وی ہوئے جیہناں وچ سرکاری گڈیاں دے غیر قانونی استعمال دیاں شکایتاں ساہمنے آئیاں نیں۔
وسیلیاں دا آکھنا اے کہ سرکاری نمبر پلیٹ والیاں گڈیاں کئی علاقیاں وچ سکولی بالاں نوں لیان تے لیجان لئی ورتیاں جا رہیاں نیں۔ ایس توں وکھ لوکائی ولوں منگ کیتی گئی اے سرکاری گڈیاں دی ایس طرحاں ورتوں اُتے پابندی دے نال نال ملوث افسراں خلا ف کارروائی کیتی جائے۔
