اسلام آباد(پاکستان پوائنٹ نیوز08۔ستمبر۔2018ء) سابق وزیر داخلا احسن اقبال نے آکھیا اے کہ پانی دی کمی پاکستان دا اہم مسئلا اے پر 14ارب ڈالر دے وڈے منصوبے لئی عالمی ڈونرز نال رابطہ کرنا پینا اے۔ اک انٹرویو وچ سابق وزیر داخلا احسن اقبال نے آکھیا کہ ساڈی حکومت نے ڈیم دی اُساری بارے اہم اقداات کیتے۔ 1ارب ڈالر دی مالیت نال زمین رکھی تے منصوبے نوں اگانہ ودھایا۔
احسن اقبال نے آکھیاکہ چین نوں دیامر بھاشا ڈیم دی اُساری لئی فنڈنگ اُتے راضی کیتا، ساڈی حکومت نے 23ارب رُپئے دیامر بھاشا ڈیم لئی رکھے۔ اوہناں نے آکھیا کہ ڈیم اُتے ہور کم کرنا چاہیدا۔ ایہ ملک دے وڈے مفاد وچ اے پر14ارب ڈالر دے وڈے منصوبے لئی عالمی ڈونرز نال رابطہ کرنا پیندا اے۔ احسن اقبال نے آکھیا کہ ڈیماں دی اُساری لئی سالہوار(سالانہ) ترقیاتی پروگرام توں وی پیسے رکھنے پین گے۔ اسیں ڈیڈھ سال دی محنت نال ڈیم لئی زمین رکھن دا عمل پورا کیتا۔
