اسلام آباد(پاکستان پوائنٹ نیوز29۔اگست۔2018ء) شنگھائی تعاون تنظیم دے آہر ہیٹھ انسداد دہشت گردی مشقاں جمعے توں شروع ہوئیاں ۔ مشقاں وچ پاکستان تے بھارت دے فوجیاں نے پہلی وار ایہناں سانجھیاں (مشترکہ) مشقاں وچ حصہ لیا۔ ایہناں مشقاں دے آخیر اُتے پاک بھارت فوجیاں دے آپسی تعلقات اینے ڈونگھے ہوگئے کہ اوہناں نے اکٹھے ڈانس کرنا شروع کر دتا جیہدی ویڈیو وی سوشل میڈیا اُتے وائرل ہوئی اے۔ سوشل میڈیا اُتے وائرل ہوئی ویڈیو وچ ویکھیا گیا کہ کس طرحاں پاک فوج تے بھارتی فوج دے جوان آپس وچ اک دوجے نال ڈانس کر رہے نیں۔ دوناں ملکاں دے فوجیاں نے بالی ووڈ دے گانے اُتے ڈانس کیتا۔ بھارتی میڈیا مطابق فوجی مشقاں وچ جِنے وی ملکاں دے کمانڈوز آئے اوہناں دا استقبال کیتا گیاتے اوہناں بھارتی ریت موجب تلک وی لایا ، ایہناں کمانڈوز وچ پاکستان دے کمانڈر وی موجود سن۔ویڈیو تُسیں وی ویکھو:
