تحریک انصاف دی حکومت نے بلدیاتی نظام بدلن دا فیصلا کرلیا

مشرف دور دے بلدیاتی نظام نوں ترامیم مگروں فیر لاگو کیتا جائے گا

تحریک انصاف دی حکومت نے بلدیاتی نظام بدلن دا فیصلا کرلیا
مشرف دور دے بلدیاتی نظام نوں ترامیم مگروں فیر لاگو کیتا جائے گا

اسلام آباد(پاکستان پوائنٹ نیوز29۔اگست۔2018ء) تحریک انصاف دی حکومت نے بلدیاتی نظام بدلن دا فیصلا کرلیا۔مشرف دور دے بلدیاتی نظام نوں ترامیم مگروں فیر لاگو کیتا جائے گا۔ تفصیل مطابق پاکستان تحریک انصاف دے چیئرمین عمران خان وزیراعظم بنن توں پہلے تے اپنی انتخابی مہم دوران جیہڑے اداریاں دی درستگی بارے گل کردے سن اوہناں وچوں اک ملک دا بلدیاتی نظام وی اے۔

ایس بارے تحریک انصاف دا موقف اے کہ ارکان اسمبلی دا بنیادی کم قانون بنانا اے نہ کہ ترقیاتی منصوبے، ترقیاتی منصوبیاں دی ذمے واری بلدیاتی نمائندیاں دی اے،ایس لئی جے اسیں جمہوریت نوں مضبوط کرنا تے اوہدے فائدے ہیٹھلی پدھر تیکر منتقل کرنے نیں تے ایہدا اک ای حل اے کہ اسیں اپنے بلدیاتی نظام نوں پکا بنائیے۔ پر تازہ اطلاع مطابق پاکستان تحریک انصاف دی حکومت نے بلدیاتی نظام نوں نویں سرے توں زندہ کرن دا فیصلا کیتا اے۔ مشرف دور دے بلدیاتی نظام نوں ترامیم مگروں فیر لاگو کیتا جائے گا۔ایس سلسلے وچ سبھ توں پہلاں پنجاب وچ نظام نوں بدلیا جائے گا۔