لاہور(پاکستان پوائنٹ نیوز28۔اگست۔2018ء) سرکاری ٹی وی پہلی وار حکومت خلاف خبراں چلان لگا۔ پاکستان ٹیلی ویژن نے وزیر اعلا پنجاب عثمان بزدار اُتے لگن والے الزاماں نوں سُرخیاں دا حصہ بنا دتا۔تفصیل مطابق پاکستان ٹیلی ویژن ساڈا ریاستی ادارہ اے جیہنوں پورے پاکستان وچ ویکھیا جا ندا اے ۔ ایہ ٹی وی چینل پہلاں حکومت دا ترجمان تے حکومتی آلے دے طور اُتے استعمال ہوندا رہیا اے۔ ایس مسئلے اُتے ہر اپوزیشن پاکستان ٹیلی ویژن دے رویے توں ناراض رہی اے۔ پر ہن ایس حوالے نال پاکستان تحریک انصاف دی حکومت نے وڈی مثال قائم کردے ہوئے وڈا فیصلا کیتا تے پاکستان ٹیلی ویژن دی آزادی دے حوالے نال گل کیتی۔ کُجھ دن پہلاں وفاقی وزیر اطلاعات نے پاکستان ٹیلی ویژن نوں سرکاری سنسر شپ توں آزاد کر دتا۔پر ہن پاکستان ٹیلی ویژن دا قبلہ وی درست ہوندا نظر آ رہیا اے۔ سرکاری ٹی وی پہلی وار حکومت خلاف خبراں چلان لگا۔ پاکستان ٹیلی ویژن نے وزیر اعلا پنجاب خلاف اج خبراں چلائیاں۔
