وزیر اعلا پنجاب داہفتے وچ اک وار کُھلی کچہری تے2گھنٹے فون کالز اُتے مسائل حل کرن دا اعلان

 لاہور(پاکستان پوائنٹ نیوز27۔اگست۔2018ء) وزیر اعلا پنجاب سردار عثمان بزدار نے عوامی رابطے وچ ہور تیزی لیان لئی ہفتے وچ اک دن عوامی مسئلے حل کرن لئی کُھلی کچہری لان دا فیصلا کیتا اے۔ وسیلیاں مطابق وزیر اعلا پنجاب سردار عثمان بزدار نے لوکائی نال ڈائریکٹ رابطے وچ رہن دا فیصلا کیتا اے، جیہدے لئی اوہ ہفتے وچ اک دن عوامی مسئلے سُنن تے اوہناں دے حل لئی کُھلی کچہری لان گے۔ ایس توں وکھ وسیلیاں دا ہور کہنا اے کہ وزیر اعلا پنجاب ہفتے وچ 2گھنٹے فون کالز اُتے وی عوامی مسئلے سُنن گے۔