نیلم جہلم پراجیکٹ دے چوتھے تے آخری یونٹ نوں وی نیشنل گرڈ نال جوڑ دتا گیا

لاہور( پاکستان پوائنٹ نیوز13۔اگست۔2018ء ) نیلم جہلم پراجیکٹ دے چوتھے تے آخری یونٹ نوں وی کامیابی نال نیشنل گرڈ نال جوڑ دتا گیا اے۔ ذکر کیتے گئے یونٹ نے آزمائشی بنیاد اُتے بجلی دی پیداواروی شروع کر دتی اے ۔ ٹیسٹ دوران ایس یونٹ نوں 242 میگا واٹ تیکر مختلف لوڈ اُتے چلایا جائے گا۔ ایس پیش رفت نال ای نیلم جہلم ہائیڈرو پاور پراجیکٹ دے چارے یونٹ کامیابی نال مکمل ہو گئے نیں تے آس اے کہ اگلے اک دو دناں وچ منصوبہ اپنی پوری صلاحیت مطابق 969میگا واٹ بجلی پیدا کرے گا۔ ایہ گل ذکر جوگ(قابل ذکر) اے کہ نیلم جہلم ہائیڈرو پاور پراجیکٹ دے تن یونٹ اپنی پوری صلاحیت مطابق 726میگا واٹ بجلی پیدا کر رہے نیں۔ منصوبہ اپنے افتتاح توں ہن تیکر نیشنل گرڈ نوں تقریبن 90کروڑ یونٹ بجلی دے چکیا اے۔