لاہور( پاکستان پوائنٹ نیوز10۔اگست۔2018ء ) پاکستان تحریک انصاف دے مرکزی رہنما علیم خان نے آکھیا اے کہ میرا چیئرمین نیب وچ پیش ہو سکدا اے تے مینوں کیہ اعتراض اے؟کوئی بُرا کم نہیں کیتا، نیب جنی وار چاہوے سدے میں پیش ہو جاواں گا، کدی سودے بازی نہیں کیتی، مفاد پرست ہوندا تے ماضی دے حکمراناں نال کھلوتا ہوندا۔ اوہناں نے اج میڈیا نال گل بات کردے ہوئے آکھیا کہ نیب نے جو وی سوال پُچھے اوہناں دے جواب دتے نیں۔
نیب وچ 130مختلف دستاویزات جمع کروا چکیا واں۔ میرے خلاف 10 مختلف اداریاں وچ انکوائری ہوئی اے۔ اوہناں نے آکھیا کہ جدوں میرا چیئرمین نیب وچ پیش ہو سکدا اے تے مینوں کیہ اعتراض اے؟علیم خان نے آکھیا کہ کوئی برا کم نہیں کیتا جتھے، جدوں سدن گے حاضر ہو جاواں گا۔ نیب جنی وار چاہوے سدے میں پیش ہو جاواں گا۔اوہناں دا کہنا سی کہ پچھلے ست سال اوکھے سن۔
2011وچ پی ٹی آئی وچ رلتی ہویا۔ عمران خان نال رلکے اک نظریے دے تحت 7سال کوشش کیتی۔ اک نظریے دے تحت عمران خان دا ساتھ دتا۔ عمران خان نال برے ویلے وی کھلوتا رہیا۔ عمران خان نال رلکے (ن)لیگ دا مقابلا کیتا۔ اوہناں نے آکھیاکہ 2013وچ ٹکٹ نہیں ملیا سی اودوں وی عمران خان دا ساتھ دتا۔ علیم خان دا کہنا سی کہ عمران خان 18اگست نوں اپنے عہدے دا حلف چُکن گے۔
