کیپٹن(ر) صفدر دی جیل وچ طبیعت وگڑ گئی

راولپنڈی( پاکستان پوائنٹ نیوز09۔اگست۔2018ء ) اڈیالا جیل وچ قید کیپٹن(ر) صفدر دی طبیعت وگڑ گئی۔میڈیا رپورٹس وچ دسیا گیا اے کہ کیپٹن (ر) صفدر دے معدے وچ درد اے۔ کیپٹن (ر) صفدر نوں جیل ہسپتال وچ ای ڈرپ لائی گئی اے۔ جیل وسیلیاں مطابق کیپٹن (ر) صفدر نوں اج شام جیل منتقل کیتے جان دی آس اے۔ کیپٹن (ر) صفدر احتساب عدالت ولوں ایون فیلڈ ریفرنس وچ سزا کٹ رہے نیں۔چیتے رہوے کہ کیپٹن (ر) صفدر دی بیوی مریم نواز تے نواز شریف نوں وی احتساب عدالت ولوں ایون فیلڈ ریفرنس کیس وچ سزا سنائی گئی اے تے دوویں پیو دھی اڈیالا جیل وچ سزا بھگت رہے نیں۔