عمران خان نے مخالفاں نوں ’گدھا‘ آکھن اُتے معافی منگ لی

لاہور( پاکستان پوائنٹ نیوز09۔اگست۔2018ء ) پاکستان تحریک انصاف دے چیئرمین و وزارت عظمی لئی نامزد عمران خان نے مخالفاں نوں ’گدھا‘ آکھن اُتے معافی منگ لی۔ میڈیا رپورٹس مطابق الیکشن کمیشن آف پاکستان وچ عمران خان خلاف ضابطہ اخلاق دی خلاف ورزی دے کیس دی سنوائی ہوئی۔ عمران خان دے وکیل بابر اعوان الیکشن کمیشن وچ پیش ہوئے تے لکھتی(تحریری) جواب جمع کروایا۔جواب وچ عمران خان نے مخالفاں نوں ’گدھا‘ آکھن دے اپنے بیان اُتے غیر مشروط معافی منگ لی۔چیتے رہوے کہ الیکشن توں پہلاں میاں نواز شریف دی لاہور آمد دے موقعے اُتے نارووال وچ جلسے نال خطاب کردے ہوئے عمران خان دا کہنا سی کہ جو وی نواز شریف دے استقبال لئی ائر پورٹ جائے گا اوہ ’گدھا ‘اے۔