لاہور( پاکستان پوائنٹ نیوز07۔اگست۔2018ء ) احتساب عدالت نے سابق وزیر اعلا پنجاب شہباز شریف دے داماد علی عمران یوسف نوں اشتہاری قرار دے دتا ۔ تفصیل مطابق عمران علی باہرلے ملک فرا ر ہو گئے سن۔ کئی وار سدن مگروں وی علی عمران نیب ساہمنے نہ پیش ہوئے جیہدے مگروں نیب لاہور نے احتساب عدالت نوں اوہناں نوں اشتہاری قرار دین دی درخاست کیتی سی۔ایس توں وکھ علی عمران دے وارنٹ گرفتاری وی جاری کر دتے گئے نیں۔
نیب پراسیکیوٹر مطابق شہباز شریف دے داماد علی عمران نوں پاور ڈویلپمنٹ کمپنی کیس وچ سدیا گیا سی۔ چیتے رہوے کہ ایس توپہلاں اک خبر وچ دسیا گیا کہ سی شہباز شریف دے داماد علی عمران ایس ویلے نیب دے گھیرے وچ آ گئے نیں۔ نیب نے شہباز شریف دے داماد علی عمران نوں وی انٹرپول راہیں گرفتار کروا کے ملک واپس لیان دا فیصلا کر لیا اے۔ علی عمران اُتے پاور کمپنی توں کروڑاں رُپئے ذاتی اکاؤنٹ وچ منتقل کران دا الزام اے ۔ایس توں وکھ شہباز شریف نوں 20اگست نوں نیب ولوں سدیا گیا اے۔ نیب لاہور نے سابق وزیر اعلا پنجاب میاں شہباز شریف نوں پنجاب پاور ڈویلپمنٹ کمپنی کیس مگروں آشیانہ اقبال ہاؤسنگ کیس وچ سدیا اے۔
