لاہور( پاکستان پوائنٹ نیوز07۔اگست۔2018ء ) مشہور پرچا کار نصرت جاوید دا کہنا سی کہ شاہ محمود قریشی نوں سپیکر قومی اسمبلی بنان دیاں خبراں ساہمنے آ رہیاں نیں۔ شاہ محمود قریشی دا سپیکر قومی اسمبلی بنن وچ ایس لئی چارم نظر آ رہیا اے کیونکہ خبر ساہمنے آ رہی اے کہ (ن) لیگ اندر فارورڈ بلاک بنن والا اے تے اوہ لوک قومی اسمبلی دے چناؤ وچ خفیہ رائے شماری دوران شاہ محمود قریشی نوں ووٹ دین گے۔
دوجی وجہ ایہ اے کہ شاہ محمود قریشی بطور سپیکر قومی اسمبلی عمران خان دی حکومت دے روٹین دے معاملات توں دور رہن گے۔ فیر بھاویں جو وی چنگے مندے معاملات ہون اوہ عمران خان جانے تے اوہدی دی کابینہ جانے۔ شاہ محمود قریشی بطور سپیکر اسمبلی ہر ویلے ساہمنے وی رہن گے۔چیتے رہوے کہ پچھلے دیہاڑے خبر ساہمنے آئی سی کہ پاکستان تحریک انصاف نے سپیکر قومی اسمبلی لئی شاہ محمود قریشی دا ناں فائنل کر لیا اے۔ وسیلیاں نے دسیا کہ پاکستان تحریک انصاف نے سپیکر قومی اسمبلی دے عہدے لئی پارٹی دے وائس چیئرمین شاہ محمود قریشی دا ناں فائنل کر لیا اے۔جیہدے لئی عمران خان نے شاہ محمود قریشی نوں راضی وی کر لیا اے۔
