لاہور( پاکستان پوائنٹ نیوز07۔اگست۔2018ء ) تحریک لبیک دے سربراہ مولانا خادم حسین رضوی دا کہنا اے کہ عمران خان نے آپ تے کدی ہوٹل وچ روٹی دے پیسے نہیں دتے، اوہ وی اوہناں دے یار ای دیندے نیں۔تفصیل مطابق مولانا خادم حسین رضوی کولوں اک انٹرویو دوران سوال کیتا گیا کہ کیہ تحریک انصاف نے تہاڈا مینڈیٹ چوری کیتا اے؟جیہدے جواب وچ اوہناں دا کہنا سی کہ تحریک انصاف نوں تے آپ وی یقین نہیں سی کہ اوہناں نوں اینا مینڈیٹ ملے گا۔
اوہناں دے تے مونہ وی لٹکے ہوئے ۔خادم حسین رضوی دا کہنا سی کہ جس بندے نوں مینڈیٹ ملیا ہویا اوہدا مونہ تے چمکنا چاہیدا۔ لگدا اے کہ عمران خان نوں پریشانی اے کہ اوہ اینی وڈی ذمے واری کیویں سنبھالن گے۔اوہناں دا کہنا سی کہ عمران خان دے ساتھی آکھدے نیں کہ عمران خان ہوٹل وچ روٹی کھاندے نیں تے پیسے دتے بغیر اُٹھ جاندے نیں۔اوہناں نوں ایہ وی نہیں پتا ہوندا کہ پیسے وی دینے نیں۔
اوہناں دی روٹی دا بل وی اوہناں دے بیلی دیندے نیں۔ مولانا خادم حسین رضوی دا ہور کہنا سی کہ ایہ تے عمران خان ایس لئی پریشان نیں کہ اوہ اینی وڈی ذمے واری کیویں سنبھالن گے یاں فیر اوہ ایس لئی پریشان نیں کہ اوہناں نوں ایہ مینڈیٹ زبردستی دے دتا گیا اے۔ عمران خان نوں ایس گل دی وضاحت کرنی چاہیدی۔ مولانا خادم رضوی دا کہنا سی کہ ساڈے نال جنی وی زیادتی ہوئی پر ساڈے مونہ مرجھائے نہیں۔ ساڈے نال جو زیادتی ہوئی اوہ سانوں پتا اے۔
