مسلم لیگ (ن) دا امیدوارووٹاں دی دوبارہ گنتی مگروں وی جت گیا

چنیوٹ( پاکستان پوائنٹ نیوز02۔اگست۔2018ء ) چنیوٹ دے حلقہ این اے 100دی دوبارہ گنتی پوری ہو گئی، مسلم لیگ (ن) دے امیدوار قیصر احمد شیخ دی جت برقرار ۔ تفصیل مطابق پنجاب دے ضلع چنیوٹ دے حلقہ این اے 100دی دوبارہ گنتی چار دناں وچ اج پوری ہوئی ۔ گنتی مگروں مسلم لیگ (ن) دے امیدوار قیصر احمد شیخ 75285ووٹ لے کے کامیاب ہوئے نیں۔اوہناں دے مقابلے وچ سید ذوالفقار علی شاہ74445ووٹ لے دوجے نمبر اُتے رہے نیں۔ ووٹاں دی دوبارہ گنتی مگروں لیگی امیدوار نوں 840ووٹاں دی برتری حاصل ہوئی اے۔ ایس توں پہلاں وی مسلم لیگ (ن) دے امیدوار قیصر احمد شیخ ای جتے سن۔ پر اوہناں دے مخالف امیدوار سید ذوالفقار علی شاہ نے ووٹاں دی دوبارہ گنتی دی درخاست کیتی سی۔