حکومت بنان وچ تحریک انصاف نوں زبردست جھٹکالگا اے

کوئٹہ( پاکستان پوائنٹ نیوز02۔اگست۔2018ء ) حکومت بنان وچ تحریک انصاف نوں زبردست جھٹکا لگا اے،سردار اختر مینگل نے بنی گالا جا کے عمران خان نال ملاقات کرن توں انکار کر دتا۔تفصیل مطابق پاکستان تحریک انصاف چالو(موجودہ) انتخابات وچ پاکستان دی سبھ توں وڈی جماعت بن کے ساہمنے آئی اے تے ایس ویلے اوہنوں حکومت بنان لئی اتحادیاں دی ضرورت اے، جیہدے لئی اجے تیکر سیاسی جوڑ توڑ جاری اے۔

پر ہن تحریک انصاف نوں جھٹکا لگا اے۔ بلوچستان نیشنل پارٹی دے سربراہ اختر مینگل نے بنی گالا جا کے عمران خان نال ملاقات کرن توں انکار کر دتا۔ اج پاکستان تحریک انصاف دے وفد نے سردار اختر مینگل نال ملاقات کیتی تے حکومت بنان وچ اوہناں کولوں مدد منگی۔ اختر مینگل نے آکھیاکہ بلوچستان دے مسئلے ساہمنے رکھے نیں، خاہش اے کہ مطالبیاں نوں سنجیدگی نال ویکھیا جائے گا۔

نعیم الحق نے آکھیا کہ سردار اختر مینگل دے مطالبے جائز نیں۔ سردار اختر مینگل دے مطالبے عمران خان ساہمنے رکھاں گے۔ یار محمد رند نے آکھیا کہ پاکستان دی ترقی چاہیدی تے بلوچستان نوں ترقی دینی پئے گی۔ اختر مینگل نے ہور آکھیا کہ جو اوہناں نے اے پی سی وچ بلوچستان دے حوالے نال گل بات کیتی سی اوہدے اُتے عمل درآمد نہیں کیتا گیا۔ ایس موقعے تے پی ٹی آئی دے وفد نے اختر مینگل نوں عمران خان نال ون ٹو ون ملاقات دی دعوت دتی پر اختر مینگل نے بنی گالا جا کے ملاقات کرن توں انکار کر دتا۔