چودھری سرور نوں وزارت خارجا دا عہدہ دتے جان دی آس

اسلام آباد( پاکستان پوائنٹ نیوز31۔جولائی۔2018ء ) پاکستان تحریک انصاف دے رہنما سینیٹر چودھری سرور نوں وزارت خارجا دا عہدہ دتے جان دی آس،شاہ محمود قریشی نوں پانی و بجلی دی وزارت دتی جائے گی۔وسیلیاں مطابق عمران خان دی نویں کابینہ وچ وزارتاں اوہناں لوکاں نوں ای دتیاں جان گیاں جو اپنے اپنے شعبے وچ ماہر ہون گے۔ چودھری سرور برطانوی پارلیمنٹ دے ممبر رہے نیں تے اوہناں دے باہرلی دنیا نال چنگے تعلقات نیں،یورپی ملکاں تے امریکا تیکر اوہ اپنا اثر رکھدے نیں۔ چیتے رہوے کہ چودھری سرور ملک پاکستان دی خدمت لئی برطانیہ توں پاکستان آئے سن۔ (ن) لیگ نے اوہناں نوں پنجاب دا گورنر بنایا پر اوہ چھیتی ای (ن) لیگ چھڈ کے تحریک انصاف وچ رلتی ہو گئے۔