اسلام آباد( پاکستان پوائنٹ نیوز30۔جولائی۔2018ء ) پنجاب توں قومی و صوبائی اسمبلی دے6ارکان نے تحریک انصاف وچ رلتی ہون دا اعلان کیتا اے۔ مرکزی میڈیا ڈیپارٹمنٹ ولوں جاری بیان مطابق چیئرمین تحریک انصاف عمران خان نال ملاقات مگروں بھکر توں نویں چُنے گئے رکن قومی اسمبلی ثنا اللہ مستی خیل تحریک انصاف وچ رلتی ہو گئے جدکہ بھکر توں ارکان پنجاب اسمبلی سید اکبر نوانی تے امیر محمد خان نے کپتان دے قافلے وچ رلتی ہون دا اعلان کیتا اے۔
بہاولنگر توں رکن قومی اسمبلی غفار وٹو تے رکن صوبائی اسمبلی فدا وٹو نے وی تحریک انصاف وچ رلتی ہون دا اعلان کیتا اے ۔ایسے طرحاں مظفر گڑھ توں رکن صوبائی اسمبلی عبدالمئی دستی وی تحریک انصاف وچ رلتی ہوگئے۔ ذکر کیتے گئے ارکان نے تحریک انصاف دی قیادت تے منشور اُتے اعتماد کردے ہوئے تحریک انصاف وچ رلتی ہون دا اعلان کیتا۔ دوجے پاسے چیئرمین تحریک انصاف عمران خان نے رلتی ہون والے ارکان قومی و صوبائی اسمبلی دا خیرمقدم کیتا اے۔
