لاہور( پاکستان پوائنٹ نیوز30۔جولائی۔2018ء ) گلالئی نوں ملن والے اکلوتے ووٹ اُتے مہر دے نشان دی بجائے ’آئی لو یو‘ لکھیا سی۔ تفصیل مطابق پاکستان تحریک انصاف توں وکھ ہو کے اپنی جماعت تحریک انصاف گلالئی بنان والی عائشہ گلالئی نے الیکشن 2018وچ چارے حلقیاں توں اپنی ضمانت ضبط کروا لی۔ عائشہ گلالئی این اے 25نوشہر ہ توں سابق وزیر اعلا خیبرپختونخوا پرویز خٹک دے مقابلے لئی میدا ن وچ لتھیاں سن۔
گورنمنٹ پرائمری سکول نمبر 2رسال پور وچ بنے پولنگ سٹیشن، بوتھ نمبر1اُتے عائشہ گلالئی نوں اک ووٹ ملیا۔ عائشہ گلالئی دے اکلوتے ووٹر نے اپنے بیلٹ پیپر راہیں عائشہ گلالئی نال محبت دا اظہار کیتا تے عائشہ گلالئی دے انتخابی نشان اُتے مہر لان دی بجائے’آئی لو یو‘ لکھ کے ووٹ پایا۔متعلقہ پریزائیڈنگ افسر نے ذکر کیتے گئے ووٹ نوں رد کر دے ہوئے این اے 25دے ریٹرننگ افسر، ایڈیشنل ڈسٹرکٹ تے سیشن جج دوست محمد خان نوں گھل دتا۔
