کراچی( پاکستان پوائنٹ نیوز30۔جولائی۔2018ء ) پاکستان پیپلز پارٹی دے رہنما منظور وسان نے پاکستان تحریک انصاف دی حکومت بارے پیشنگوئی کر دتی۔ منظور وسان دا کہنا سی کہ آؤندی حکومت اپنی مدت پوری نہیں کر سکے گی تے صرف دو توں دھائی سال چل سکے گی۔ اوہناں نے آکھیا کہ آن والی حکومت کئی سیاسی جماعتاں ہتھوں بلیک میل ہوندی رہوے گی۔ اک بیان وچ منظور وسان دا کہنا سی کہ بلاول بھٹو زرداری نوں اپوزیشن لیڈر بنان لئی پاکستان پیپلز پارٹی تے مسلم لیگ (ن) وچکار مذاکرات ہو سکدے نیں۔
اوہناں نے آکھیا کہ میں جی ڈی اے تے ایم کیو ایم دا حشر خراب ویکھ رہیا واں۔ عمران خان دی حکومت نوں بڑیاں اوکڑاں (مشکلات) دا ساہمنا کرنا پئے گا۔ منظور وسان نے دسیا کہ وزیر اعلا سندھ دا ناں اجے فائنل نہیں ہویا تے قیادت ای ایہنوں فائنل کرے گی۔ چیتے رہوے کہ عام انتخابات2018توں اک دن پہلاں پاکستان پیپلز پارٹی دے رہنما منظور وسان نے پی ٹی آئی چیئرمین عمران خان دے وزیر اعظم بنن دی پیشنگوئی کیتی سی۔پیپلز پارٹی رہنما نے پی ٹی آئی نوں بُری خبر سناندے ہوئے آکھیا سی کہ عمران خان کدی وی وزیراعظم نہیں بنن گے۔
