اسلام آباد( پاکستان پوائنٹ نیوز28۔جولائی۔2018ء ) پی ٹی آئی دی جت اُتے پی آئی اے ملازماں نوں مٹھیائی کھانا مہنگا پے گیا۔ عام انتخابات2018وچ پاکستان تحریک انصاف نے واضح اکثریت حاصل کیتی۔ پاکستان تحریک انصاف دی واضح برتری اُتے پی ٹی آئی تے عمران خان دے حامیاں نے ڈاڈھا جشن منایا تے مٹھیائیاں ونڈیاں۔ پاکستان تحریک انصاف دی واضح کامیابی اُتے کئی دفتراں وچ وی خشی نال مٹھیائی ونڈی گئی پر قومی ائر لائن پی آئی اے دے ملازماں نوں پاکستان تحریک انصاف دی جت اُتے مٹھیائی کھانا مہنگا پے گیا۔
جیہدے اُتے اوہناں نوں وارننگ لیٹر جاری کر دتا گیا اے۔ پاکستان تحریک انصاف دی جت دی خشی وچ پی آئی اے ملازماں نوں مٹھیائی مرکزی صدر پی آئی اے ایمپلائر انصاف فرنٹ نے کھوائی۔ڈپٹی جنرل منیجر ایچ آر نے پی آئی اے دفتر وچ پاکستان تحریک انصاف دی جت دی خشی وچ مٹھیائیاں ونڈن دا نوٹس لیندے ہوئے ملازماں دے اکٹھ اُتے وی پابندی لا دتی۔ پی آئی اے حکام مطابق پاکستان تحریک انصاف دی جت اُتے جشن منانا غیر ذمے وارانہ حرکت تے ضابطہ اخلاق دی خلا ف ورزی اے۔ وارننگ لیٹر وچ آکھیا گیا کہ اے آؤندے ویلے ایس طرحاں دی غلطی اُتے سخت کارروائی ہو سکدی اے۔ جشن پی آئی اے دی لاہور بلڈنگ وچ منایا گیا۔
