بنوں( پاکستان پوائنٹ نیوز28۔جولائی۔2018ء ) خیبرپختونخوا پولیس نے بنوں وچ کتے نوں سیاسی جھنڈا پوا کے گولیاں مارن والے نوجوان نوں گرفتار کر لیا۔ میڈیا رپورٹ مطابق دو نوجواناں نے بنوں دے علاقے وچ کتے نوں سیاسی جماعت د اجھنڈا پوا کے گولیاں ماردے ہوئے مار دتا۔ خیبرپختونخوا پولیس نے بے دردی نال جنور نوں مارن والے دو ملزماں نوں گرفتار کر لیا اے۔ملزماں نوں اج سویرے 6وج کے 45منٹ اُتے گرفتار کیتا گیا۔ خیبرپختونخوا پولیس نے سوشل میڈیا ورتیندڑاں(صارفین) دا شکریہ ادا کیتا کہ اوہناں نے ایس معاملے خلاف آواز چُکی تے ایہ معاملا پولیس دے نوٹس وچ آیا۔ خیبرپختونخوا پولیس نے دوویں ملزماں دیاں تصویراں تے مرکزی ملزم دا ویڈیو بیان جاری کیتا اے۔ اپنے بیان وچ ملزم دا کہنا سی کہ سانوں انج کرن لئی کسے ہور بندے نے آکھیا سی۔ ملزم دا ویڈیو بیان تُسیں وی ویکھو:
چیتے رہوے کہ بنوں وچ کتے نوں تشدد دا نشانہ بنا کے قتل کرن دی ویڈیو سوشل میڈیا اُتے وئرل ہوئی، جیہدے اُتے خیبرپختونخوا پولیس نے کارروائی کردے ہوئے چھیتی ای ملزماں نوں گرفتار کر لیا۔ ایس توں پہلاں اک کھوتے نوں گرفتار کراچی وچ وچ تشدد دا نشانہ بناندے ہوئے مار دتا گیا۔
