اسلام آباد( پاکستان پوائنٹ نیوز27۔جولائی۔2018ء ) آزاد امیدواراں دا تحریک انصاف وچ رلتی ہون دا سلسلا جاری اے۔ این اے 13مانسہرہ توں آزاد امیدوار صالح محمد نے تحریک انصاف وچ رلتی ہون دا اعلان کر دتا۔ تفصیل مطابق 25جولائی نوں پاکستانی تواریخ دا سبھ توں وڈا الیکشن ہویا جیہدے وچ دس کروڑ توں ودھ ووٹراں حصہ پایا پر الیکشن کمیشن دے آنکڑیاں(اعداد و شمار) مطابق 52فیصد ٹرن آؤٹ رہیا۔
انتخابات دے نتیجے دے حوالے نال گل بات کیتی جائے تے ہن تیکر پاکستان تحریک انصاف نوں ہور سیاسی جماعتاں اُتے واضح برتری حاصل اے۔ ہن تیکردی اطلاع مطابق تحریک انصاف دیاں سیٹاں دی گنتی 115تیکر جا اپڑی اے۔ مسلم لیگ (ن) دیاں سیٹاں دی گنتی 64ہوگئی جدکہ پاکستان پیپلز پارٹی دیاں سیٹاں دی گنتی 43اے۔ ایہدے مگروں وڈی گنتی وچ آزاد امیدوار وی اسمبلی دا حصہ بنے جیہناں دی گنتی 12اے۔تازہ اطلاع مطابق آزاد امیدواراں دا تحریک انصاف وچ رلتی ہون دا سلسلا شروع ہو گیا۔ این اے 13مانسہرہ توں آزاد امیدوار صالح محمد نے تحریک انصاف وچ رلتی ہون دا اعلان کردتا۔
